Чорабинии ҷамъбастии барномаи БДТБ – марҳилаи I, ки аз ҷониби Иттиҳоди Аврупо маблағгузорӣ мешавад – санаи 26 ноябри соли 2021, соати 14:00 дар меҳмонхонаи Hyatt Regency Dushanbe, Ball Room, 26/1, хиёбони Исмоили Сомонӣ, ш. Душанбе баргузор мегардад
Барномаи дастгирии таҳсилоти босифат (БДТБ – I) барои ҳалли афзалиятҳои интихобшудаи миллӣ аз Стратегияи миллии рушди маорифи (СМРМ) Ҷумҳурии Тоҷикистон ва Нақшаҳои миёнамӯҳлат оид ба татбиқи он то соли 2020 таҳия шудааст. Ин марҳилаи аввали дастгирии Иттиҳоди Аврупо ба маблағи 15 миллион евро ба бахши маориф дар Тоҷикистон буд, ки як платформаи шарикӣ, муколама ва ҳусни тафоҳумро дар ин бахш ҷиҳати омодагӣ ба густариши татбиқи сиёсии ислоҳот, ки тавассути марҳилаҳои минбаъда дастгирӣ карда мешавад, фароҳам овард. Дар сатњи сиёсї, татбиќи БДТБ – I дар соњаи маорифи Тољикистон ба рушди низоми муосири маориф мусоидат намуд, ки имконияти омода намудани шањрвандони донишманд, соњибихтисос ва омодаи кор дар «љањони мењнат»-ро пайдо намуд. Аз ҷумла, чорабиниҳои мушаххаси барнома бо мақсади баланд бардоштани натиљаи таълим дар системаи тањсилоти миёна ва ибтидоии касбї ба роњ мондани хизматрасонии самаранок ва муассири таълим сањми худро гузоштааст.
Бо мақсади иҷрои Статегияи миллии рушди маорифи Ҷумҳурии Тоҷикистон то соли 2020 ҷиҳати татбиқи самараноки гузариш ба муносибати босалоҳият дар таълим дар вилояту ноҳияҳои ҷумҳурӣ семинар-омӯзиши 5 рӯза (аз 25 то 30 март) баргузор гардид. Ин омӯзишҳо таҳти унвони “Татбиқи муносибати босалоҳият дар таълим барои омӯзгорони фанҳои ҷомешиносӣ” баргузор гардида, барои тақвияти маҳорати касбии омӯзгорони фанҳои таърих, ҳуқуқ, омодагии дифоъ, одоби оиладорӣ, тарбияи ҷисмонӣ, суруд ва мусиқӣ равона гардидаанд. Семинар аз тарафи Вазорати маориф ва илми Ҷумҳурии Тоҷикистон ташкил гардида, маводи конселярӣ ва дастури таълимиву методӣ барои он аз ҷониби, Барномаи Дастгирии Таҳсилоти Босифат I (БДТБ I), ки аз тарафи Иттиҳоди Аврупо маблағгузорӣ мешавад, таъмин карда шуд.
