Семинар барои кормандони шуъбаҳои маориф ва коллеҷу донишгоҳҳои педагогӣ

Барномаи дастгирии таҳсилоти босифати Иттиҳоди Аврупо дар Тоҷикистон дар ҳамкорӣ бо Вазорати маориф ва илми Ҷумҳурии Тоҷикистон дар манотиқи гуногуни кишвар доир ба муносибати босалоҳият ба таълим барои кормандони шуъбаҳои маориф ва коллеҷу донишгоҳҳои педагогӣ сменари омӯзиширо ба роҳ монд. Семинари мазкур, ки бо дастури Вазорати маориф ва илми Ҷумҳурии Тоҷикистон ва дастгирии Иттиҳоди Аврупо тавассути Барномаи дастгирии таҳсилоти босифат марҳалаи 1, яъне дастгирии техникӣ ба Вазорати маориф ва илми Ҷумҳурии Тоҷикистон дар самтҳои такмили ихтисоси омӯзгорон, арзёбии таълим, банақшагирӣ, таҳияи буҷет, куррикулум ва мониторингро дар бар гирифта буд, ба мутахассисон имкони дастрасӣ ба маълумот ва имкониятҳои навро фароҳам овард. Сухани ифтитоҳӣ аз тарафи намояндаи Вазорати маориф ва илм, роҳбари лоиҳа Сергий Габришек оғоз гардида, баъдан коршиносону мушовирон оид ба масъалаҳои марбута Ричард Веббер – доктор, коршинос оид ба таҳияи барномаи таълимӣ, Алиев Асрор – мушовири маҳаллӣ оид ба таҳияи барномаҳои таълим, Григуле Лигита – коршиноси асосии 2 оид ба такмили ихтисос ва сиёсати соҳаи маориф, Мухторӣ Қутбиддин – мушовири маҳаллӣ оид ба қисмати 1-и лоиҳа, Садурдинов Холис – мушовири маҳаллӣ оид ба қисмати 1-и лоиҳа ба иштирокчиён муаррифӣ гардиданд. Дар семинарҳо аз ҳар минтақа тақрибан аз 35 то 120 нафар ширкат варзида, онҳо дар маҷмӯъ зиёда аз 590 нафар намояндагон аз шуъбаҳои маориф (мудири кабинети методӣ), роҳбарони якчанд муассисаҳои таҳсилоти миёнаи умумӣ, намояндагон аз такмили ихтисос, таҳсилоти миёнаи касбӣ ва олии омӯзгориро ташкил доданд.
Дар рафти чорабинӣ, ҳамзамон мавзуъҳои асосии семинар -Моҳият ва заминаҳои таҳияи барномаи таълим барои муассисаҳои таълимӣ, доираи салоҳиятҳои омӯзгор ва амсоли инҳо ба омӯзгорону мутахассисони соҳа ироа гардиданд. Семинар бо муҳокима, саволу ҷавобҳо ва тақсимоти мавод барои ҳар як иштирокчӣ дар ноҳияҳо ҷамъбаст гардид.
Бояд зикр кард, ки семинари мазкур тибқи фармоиш аз моҳи июл оғоз гардида, то нимаи моҳи август дар 7 минтақа, гузаронида шуд. Бо ин васила Вазорати маориф ва илми Ҷумҳурии Тоҷикистон тасмим гирифтааст, ки огаҳмандии кормандони муассисаҳои зерсохтори худро доир ба масъалаи муҳими ислоҳоти ҷорӣ – гузариш ба муносибати босалоҳият дар таълим таъмин намояд, то низоми маориф тавонад эҳтиёҷоти омӯзгоронро дар самтҳои банақшагирӣ, идоракунӣ ва арзёбии раванди таълим қонеъ гардонад.

Leave a Comment

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Отправить сообщение